نفسك تتعلم التسويق الرقمي وتدخل المجال في ظل التقدم والتطور التكنولوجي أصبح العالم كأنه قريه صغيره لسرعة وصول وانتشار المعلومات والأخبار في جميع أنحاء العالم.
في المقال ده هنتعرف كل حاجه محتاج تعرفها عن "التسويق بالعمولة" Affiliate Marketing
في البداية هنشرح أهم مصطلحات التسويق بالعمولة.
CPA - Cost Per Action
هى إنك تحضر الناس عن طريق الرابط الخاص بيك ، لكن مش عشان يشتروا منتج معين ولكن لسبب ما .
مثلا يشتركوا فى موقع أو يقوموا بتحميل تطبيق موبايل أو يدخلوا بياناتهم… إلخ
وأغلب ما ينطبق على تسويق الافلييت بينطبق على تسويق عروض CPA.
طيب هو إية الأفلييت - affiliate.
هو إنك بتوجه الزبائن و المشترين لشراء منتج معين وتحصل فى المقابل على عمولة من البائع.
وهنا لازم يدخل المشترى لموقع الشراء عن طريق الرابط الخاص بيك لتحتسب عمولتك بطريقة صحيحة.
طيب يعنى إية الريفير - Refer.
نفس الشئ زى الافلييت تقريبا، مع الأختلاف إن مصطلح الريفير أحياناً يطلق على دعوة الأشخاص إللى تعرفهم معرفة شخصية. (مفهوم الريفير هو نفسة الافلييت)
أما التسويق لغير المنتجات - CPA.
هو إنك بتقوم بإقناع الآخرين بالقيام بعمل Action معين مثل التسجيل فى موقع معين أو تحميل برنامج أو تحميل تطبيق.. الخ.
ولازم يكون عن طريق الرابط الخاص بك وعند إتمام الفعل Action المطلوب بتحصل على عمولتك فى المقابل.
طيب يعنى إية نسبة التحويل - Conversion.
المقصود بها هو عدد العمليات الناجحة للشراء (فى حالة الأفلييت) أو الأكشن (فى حالة الـ CPA) وإللى تمت بالفعل وتستحق عليها عمولتك.
مثال: إستخدمت موقعك للدعاية لتحميل تطبيق موبايل وقام 100 شخص بالنقر على الرابط ودخلوا على موقع جوجل بلاى لتحميل التطبيق ولكن 7 فقط قاموا بالتحميل بالفعل. إذاً تحتسب التحويلات إللى تستحقها عن 7 أشخاص فقط مش الـ 100 شخص وتكون نسبة التحويل هنا هى 7% بس .
والترافيك - Traffic.
بيطلق مصطلح الترافيك فى الإنترنت عموما على عدد الزوار سواء لموقع / تطبيق / مدونة / صفحة هبوط .. إلخ
فمثلا إذا قمت بعمل إعلان ممول على فيس بوك مثلا وحصل منه 1000 زائر لموقعك يبقى دول الزوار بيطلق عليهم ترافيك.
أو إذا أعلنت فى موقعك عن منتج معين عشان يشتريه الناس ودخل على صفحة شراء المنتج 600 شخص فدول كمان بيطلق عليهم ترافيك (بغض النظر إذا اشتروا بالفعل أو لأ).
أما صفحة الهبوط - Landing page.
لها أسماء كتير متعددة زى صفحة الهدف أو اللاندر Lander, destination page.
وهى عبارة عن أى صفحة أنترنت يدخل ليها الزائر بعد البحث فى محرك البحث أو بعد الضغط على أى إعلان ويكون هدفها الأساسى هو إقناع الزائر بالشراء أو القيام بالأكشن المطلوب ليستحق صاحب الصفحة العمولة.
أمثلة للمواقع والشبكات إللى بتحتاج لها كمسوق.
موقع جوميا
موقع سوق
نمشى
خدمة الدفع الالكترونى كاش يو
متجر الكتب العربى جملون
دكان على
القهوة التركية
تمور المنورة
دوت عربى
عرب 4 هوست
أمثلة لشبكات الأفلييت.
وهى إللى بتكون وسيطه بينك وبين الشركات صاحبة المنتجات أو العروض :
زى مواقع عربى آدز - التسويق بالعمولة - حسوب.
ودى بس بعض الأمثلة للمواقع والشبكات العربية أما باللغة الانجليزية مفش ممكن حصرها لأنها كثير جداً جداً.
فى فرق بين الشركة أو الموقع إللى تحتاج لمسوقين وبين شبكة التسويق بالعمولة .
فالشبكة هى وسيط بينك أنت(المسوق) وبين الشركة أو الموقع إللى بيحتاج للمسوقين.
ولما بتعمل الإشتراك فى شبكة تسويق بالعمولة هتلاقى كثير من العروض إللى بتقدمها أكثر من شركة وممكن تختار منها إللى يناسبك عشان تبدأ التسويق له.
لاحظ إن الأشتراك فى الشبكات بيكون أصعب من الأشتراك فى موقع الشركة لأن الشبكات غالباً بتحتاج يكون عندك خبرة.
لكن بالنسبة لمواقع الشركات بتكون الشروط أسهل بتحتاج بس يكون عندك موقع وأحياناً مش بتحتاج لشروط.
خطوات التسويق بالعمولة عبر الإنترنت بإختصار :
1- تشترك فى الموقع أو الشبكة
2- تاخد الرابط الخاص بيك (واحياناً تلاقى بعض الصور إللى بستساعدك فيما بعد فى عملية التسويق)
3- تستخدم الرابط (والصور إن وجدت) فى البداية فى جذب العملاء والناس المهتمين بالعرض أو المنتج إللى بتسوقه عن طريق الوصول ليهم بالطرق المجانية أو المدفوعة هقول لك عليها كمان شوية .
4-ولما ناس تشترى أو تاخد الأكشن المطلوب تحسب عمولتك وبتاخدها لما بتوصل لحد معين وبيختلف حسب كل موقع أو شبكة .
(يختلف الحد الأدنى وطرق أستلام المبلغ حسب كل شركة أو شبكة)
كيف أبدأ التسويق بالعمولة وكيف أصل للزبائن أو العملاء؟
نقطة مهمة جداً
معظم إللى بيشرحوا الأفلييت للمبتدئين بيبدؤا بكيفية أختيار المنتج أو العرض إللى بتسوقه لكن فى خطوة مهمة قبل أختيار العرض أو المنتج وهى أختيار طريقة التسويق نفسها.
التسويق بالعمولة مش نوع واحد ولا بيعتمد على طريقة واحدة فى تسويق عن طريق البريد و عن طريق المواقع والمدونات وفى إللى بيعتمد على محركات البحث وإللى بيعتمد على الحملات الإعلانية المدفوعة وفى إللى بيعتمد على كل الطرق مع بعض.
مهمتك الأساسية عشان تبدأ فى التسويق بالعمولة هى تحديد إية طرق التسويق إللى هتبدأ بيها وبيتم دة عن طريق معرفة متطلبات الطريقة وإية المنتجات الأفضل للتسويق بكل طريقة من طرق التسويق بالعمولة.
متاح ليك طرق كتير وتنقسم لنوعين (مجانية - مدفوعة)
الطرق المجانية للوصول للعملاء:
أولاً عن طريق موقعك :
كتابة موضوع فى موقعك وتشرح للزائر مزايا المنتج إللى بتسوق له أو طريقة القيام بالحركة المطلوبة فى حالة الـ CPA وبتحتاج للقيام للتسويق عن طريق الموقع لموقع مجاني أو مدفوع وبتحتاج لتحديد إستراتيجية التسويق من البداية هل هتعتمد على الزيارات من محركات البحث وبالتالى تهتم بشدة بال SEO أو هتعتمد على الحملات الإعلانية الممولة زى إعلانات فيس بوك وإعلانات جوجل.
ممكنك لو أخترت الطريقة دى تعتمد على الإعلانات المباشرة فى موقعك .
ثانياً مواقع التواصل:
إستخدام وسائل التواصل الإجتماعي وأهمهم تويتر و فيس بوك وإنشاء صفحة تجارية أو جروب واستخدم الوسائل دى كمنصة لشرح المنتج إللى بتسوق له والدعاية له.
لو أخترت الطريقة لازم تتعلم إدارة الصفحات والجروبات وتقديم المحتوى التفاعلى إللى بيكبر دائرة المهتمين بالمنتجات والخدمات إللى بتسوق لها.
ثالثاً كتابة مقالات وشروحات:
التسويق عن طريق كتابة مقالات عبارة عن تقييمات ومراجعات للمنتج أو شرح بالصور ونشرها على المواقع إللى بتمكنك من النشر مجانا زى مواقع مشاركة الارباح.
رابعاً التسويق بالفيديو:
التسويق عن طريق الفيديو من الوسائل المجانية الممتازة ممكن فيديو سريع بصوتك وصورتك أو بدون و تشرح فيه مواصفات المنتج ومميزاته وكل حاجة لأقناع المشترى وتحط رابطك فى نهاية الفيديو و طبعا هتستعين بمواقع الفيديو زى يوتيوب أو دايلى موشن أو فيميو .
خامساً المنتديات :
الدخول على المنتديات إللى بتتكلم فى موضوع مناسب للمنتج إللى بتسوقه وتنشر تقييمك والدعايه لمنتجك وممكن تستغل المدونات فى نشر روابط لموقعك .
سادساً التسويق بالأيميل:
لو معاك قائمه emelies ممكن ترسل لها محتوى يعرض علي المشتركين فيها منتجك أو خدمتك التسويق بالبريد الإلكترونى من الوسائل الهامة والمفيدة جداً خاصة فى حالة المنتجات والخدمات لكنه مش الأختيار الافضل لتسويق عروض الـ CPA.
الطرق المدفوعة للحصول على العملاء:
أولاً شبكات التواصل الاجتماعى:
زى فيس بوك ولينكدان وغيرها وهى بتسمح لك بانشاء إعلان ممول والوصول لشريحة المستهدفة من الزبائن وتعرض عليهم المنتج أو عرض الـ CPA الخاص بك.
ثانياً شبكات الإعلانات :
إعلان ممول عن طريق شبكة إعلانات زى Adwords أو غيرها من الشبكات.
الأخطاء إللى بيقع فيها المبتدئين فى الأفلييت :
الأخطاء إللى غالبا بيقع فيها كل مبتدئ فى مجال الافلييت أعرفها وحاول متقعش فيها عشان تلاقى نتائج سريعة
الخطأ الأول عدم وجود الميزانية الكافية:
قولتلك ممكن توصل للعملاء المحتملين بطرق مجانية لكن الطرق المجانية مش هتحقق نتائج بسرعة والخطأ بردو عند إللى بيبدأ فى هذا المجال مع الرغبه فى عدم صرف أى فلوس وبعد فترة بسيطة مش بيلاقى أى عائد أو مردود مالى فبيسيب المجال .
الحقيقة إن مجال الأفلييت بيحتاج لتجهيز مبلغ كأستثمار مبدأي عشان تشوف عائد بسرعة لكن الإعتماد فقط على الطرق المجانية بيحتاج لوقت طويل وجهد كبير.
أما المبلغ فهو بيختلف حسب الطريقة وحسب الشريحة المستهدفة من العملاء المطلوبين لو كنت بتستخدم فيس بوك مثلا للحملات الممولة وبتستهدف المقيمين بالولايات المتحدة فهتحتاج حملة إعلانية أكبر من لو كنت بتستهدف دولة فى أفريقيا أو أمريكا الجنوبية .. وهكذا
الخطأ الثانى هو الإعتماد على إستضافة رخيصة.
لو هتبنى موقع تسوق من خلالة لعروض الأفلييت بلاش تستخدم إستضافة رخصية.
الخطأ الثالث أختيار عروض دفع عالية الثمن :
لما بيتم قبولك فى شبكة أفلييت وتبدأ فى تشوف العروض فمعظم المبتدئين بيختاروا العروض الغالية (مثلا منتج أو عرض هيدفع لية 3 دولار عن كل تحويل) لية أسوق للعرض إللى يدفع لى 1 دولار فى حين انه ممكن أخد 3 !
فى أكثر من سبب يخليك تختار أحياناً العرض الأقل فى الدفع منها سهولة التسويق ومنها سعر الحملات الممولة وإللى غالبا بيكون أعلى للعروض إللى سعرها أعلى
عموما الأفضل دائما انك تختار العروض إللى تكون متأكد انك تقدر تسوق لها وكمان العروض إللى اثبتت انه عليها أقبال من الناس .
الخطأ الرابع الأنتقال من مصدر ترافيك لأخر كل اسبوع :
الأنتقال من مصدر ترافيك لأخر مثلا تجرب إعلانات أدوردز متنجحش فتقرر تجرب إعلانات فيس بوك فتحقق نجاح بسيط فتفكر بالأعتماد على موقع لهذا النوع من العروض ثم تعود للتفكير فى إعلانات أولكس مثلا .. وهكذا.
لا أثنيك ابداً عن تجربة أكثر من مصدر للحصول على العملاء ولكن أنصحك بأن تعطى كل مصدر ترافيك فرصتة الكاملة أحياناً تغير بسيط فى إعلاناتك أو فكرة جديدة تفكر بها للحصول على ترافيك أو الدعاية للعرض من زاويه أخرى تتسبب فى تحقيق نجاح كبير لم تكن تتوقعة فأذا أردت تحقيق شئ التزم به و لا تنتقل لخطوة أخرى حتى تحقق ما تريد.
الخطأ الخامس عدم مراجعة حالة العرض أو المنتج إللى بتسوق له :
أحيانا تقوم الشركة أو الشبكة بوقف منتج أو عرض معين أوبتغيير الدولة المستهدفة
وتفضل إنت تشتغل بدون دراية منك وتحويلاتك لا تحتسب لذلك راجع دائماً وتابع أخبار العروض إللى بتسوقها وحالتها .
الخطأ السادس الإحباط بعد أسابيع قليلة و تريد أن تتوقف :
إللى بيبدأوا فى مجال التسويق بالعمولة بيصابوا بالإحباط بعد أيام أو أسابيع قليلة ومش بيحاولوا يصبروا و لما تسألهم كم حملة أشتغلت كانت الاجابه 1 او2 !
آخر خطأ: القراءة الكتير بدون تطبيق:
القراءة والتعلم شئ كويس لكن القراءة كثير تشتتك، وعند البدء فى العمل الحقيقى هتحس إنك مشتت بين كل إللى قرأته..
الحل هو الألتزام بمصادر أقل للتعلم والبدء فى التجربة الفعلية والإخفاق والوقوع فى الخطأ والمحاولة من جديد.
وبكده تكون أكيد فهمت وهتقرر .. ولكن النصيحة ! عندك الشغف أبدأ فوراٌ مفيش شغف أبعد ودور على شغفك
ولو محتاج مقال فى موضوع معين اكتبه في التعليقات وبإذن الله أشرحه لك.
طور نفسك.com
تعليقات
إرسال تعليق