ايه الفرق بين الكونتنت كريتور والكوبي رايتر !!
من اكتر الأسئلة اللي بسمعها في المجال ده...
وعلشان كده كتبت المقال ده وتعرف
ايه الفرق بينهم بطريقه بسيطه وسهله
الـ Content Creator
* هو شخص مسئوليته الأساسية يكتب محتوى مفيد يخلق تفاعل مستمر مع الجمهور؛ لأن وجود محتوي مستمر وغني بالمعلومات هيخلق تفاعل كبير وعلاقة كويسة مع الجمهور.
* الكونتنت كريتور لما يجي يكتب محتوي بيختار نوع المحتوي على حسب البراند ؛ علشان في 3 انواع من المحتوي التسويقي وهما:ـ
1ـ المحتوي التعليمي
2ـ المحتوي الترفيهي
3ـ المحتوي الملهم
وعلشان كده مهمه الكونتنت كريتور يحدد النوع اللي هيشتغل بيه ويشوف ده اذا كان مطابق للبراند ولا لا !
* الكونتنت كريتور بيحل مشاكلك او بيجد حلول ليها وده بيبقى من غير مقابل والهدف منه بناء علاقة قوية بين البراند والجمهور وخلق تفاعل مستمر بينهم.
* وكمان الكونتنت كريتور يقدر يكتب مقال ، يعمل فيديو وبودكاست و......
وده هتلاحظه فيه براندات كتير ان بيكون ليها موقع وقناة على اليوتيوب وهكذا.
* الكونتنت كريتور كمان بيقدر يعمل كونتنت استراتيجي والـ Plan
* ونختم بأخر حاجه في الكونتنت كريتور بتلخيص ليه :
الكونتنت كريتور هو شخص دوره يخلق علاقة مستمره مع الجمهور وتفاعل مستمر ، علشان بعدين يقدر يعمل CTA ويحقق تفاعل كبير ونتايج كويسه .
الـ Copywriter
* هو شخص بيكتب كونتنت ولكن هدفه مختلف عن الكونتنت كريتور ؛ لان هدفه الثابت دايما ان بيكون في اخر الكونتنت بتاعه موجود Action سواء كان شراء ، تسجيل ، اشتراك ، وحاجات تانيه كتير وانه في الاول والاخر بيكتب علشان يبيع ويحقق ربح للبراند.
وعلشان كده الكوبي رايتر كتاباته مختلفة عن الكونتنت كريتور وان الكوبي رايتر لازم بيهتم انه يحط Headline يخطف انتباه الجمهور لما يشوفه ويخليه يشوف البوست ويعرف ده بيتكلم عن ايه ، وأهم حاجه في الكوبي رايتر انه بيعرف يقفل الكوبي بـ CTA .
الكوبي رايتر هو شخص بيعرف يشد الجمهور ليه يعني بيعرف يبيع المنتج او الخدمة اللي بيقدمها في شكل كتابه وبيعرف مشاكل ايه ويقنع الجمهور ان ازاي المنتج ده حل لمشكلة معينة ويخليه مبسوط وهو بيشتريه.
* واخر حاجه في الكوبي رايتر انه يقدر يكتب:ـ
كوبي سوشيال ميديا
اعلانات في الشوارع/ المجلة
اسكريبت اعلانات
وصف لمنتج
اعلانات Google Ads
Flayers
Landing page
& يعني من الاخر الكوبي رايتر بيوصل رساله عايزك بعدها تاخد Action (شراء ، زيارة ، اشتراك ، .....)
تعليقات
إرسال تعليق